easyLIFE Education
Mat easyLIFE Education kënnt Dir dofir suergen, datt Är Kanner zu engem bestëmmte Moment e festgeluechte Betrag ausbezuelt kréien, egal wat Iech geschitt.
Wann Dir stierwe sollt, éier Äre Spuerplang ofgeschloss ass, gëtt de geplangte Betrag trotzdeem no deene vun Iech gewielte Modalitéiten iwwerwisen. Är Kanner verfügen dann iwwer déi néideg Mëttel, fir hir Studie weiderzeféieren oder sech am Liewen ze installéieren.
Fir easyLIFE Education gëllt ausserdeem e gënschtege steierleche Kader. Net nëmmen, datt Är Erspuernesser vun engem garantéierte Rendement profitéieren, Dir kënnt Är Assuranceprimmen och nach vun de Steieren ofsetzen.
Kapital oder Rent, Äre Choix
Um Enn vun Ärem Kontrakt hutt Dir d'Méiglechkeet ze wielen, ënner wéi enger Form Är Kanner vun den Erspuernesser, déi Dir hinnen zoukomme loosse wëllt, profitéiere kënnen. Zum festgeluechten Zäitpunkt kréie si deemno entweeder direkt de ganze Betrag, oder si kréie wärend engem festgeluechten Zäitraum eng Rent ausbezuelt.
Egal fir wéi eng Variant Dir Iech entscheet, dës Beträg ginn net besteiert.
Dir wielt och, a wéi engem Alter si dës finanziell Bäihëllef kréie sollen.
Garantéierten Zënssaz a Gewënnbedeelegung
De Mindestzënssaz vun Ärem Erspuerte gëtt vun der Opsiichtsautoritéit vun den Assureuren, dem Commissariat aux Assurances, festgeluecht.
All Joer gëtt en zousätzleche Gewënnbedeelegungstaux festgeluecht, dee vun de Resultater vun der Gesellschaft a vun der Zënsentwécklung op de Finanzmäert ofhänkt.
Am Fall vum Doud duerch en Accident kann dat verséchert Kapital maximal ëm dat Véierfacht erhéicht ginn. A wann et sech ëm e Verkéiersaccident handelt, da kann de festgeluechte Betrag bis zu 7 Mol erhéicht ginn.
Dës Optioun erméiglecht et, op d'mannst d'Bezuele vun de Primmen auszesetzen an d'Garantie fir d'Ausbezuele vum festgeluechte Betrag am Stierffall trotzdeem oprecht ze erhalen. Am Fall vun enger vollstänneger kierperlecher Invaliditéit gëtt de Montant, dee fir de Stierffall virgesi war, direkt ausbezuelt.
