E Kontrakt fir d’Altersvirsuerg ass eng aussergewéinlech gutt Geleeënheet, fir Är steierlech Situatioun ze optiméieren. Wann Dir a Léisungen ewéi easyLIFE Pension investéiert, profitéiert Dir vun engem duebele Virdeel: Dir kënnt e Kapital fir Är Pensioun opbauen a gläichzäiteg Är aktuell Steierlaascht däitlech reduzéieren.

All Steierzueler kann am Kader vum Artikel 111bis vum Akommessteiergesetz (L.I.R.)  pro Joer maximal 3.200 € ofsetzen an domat eng Steierreduktioun erreechen, déi bis zu 45 % vun der abezuelter Primm entsprieche kann.

Fir dës Virdeeler konkreet ze illustréieren:

• Eng onbestuete Persoun mat engem versteierbaren Akommes vu 50.000 €, déi am Joer 3.200 € investéiert, ka bis zu 1.334 € Steiere spueren, dat entsprécht 41,69 % vun hirem Investissement.

• Fir eng bestuete Koppel mat engem versteierbaren Akommes vun 100.000 € kann d’Erspuernes bei bis zu 2.671 € d’Joer leien, wann all Conjoint 3.200 € investéiert. Dat entsprécht dann enger Erspuernes vun 41,73 % um Gesamtinvestissement.

Berechent Är Steiererspuernesser mat eisem Pensiounssimulator.

Independanten a Fräiberuffler kënnen hir steierlech Situatioun mat lalux-Safe Future optiméieren. Dës Léisung erlaabt et, déi investéiert Primmen als Sonderausgaben ofzesetzen, woubäi de Plaffong op 20 % vum Nettojoresverdéngscht festgeluecht ass.

D’Salariéen, déi vun enger Zousazpensiounsversécherung wéi lalux-Staff Protect am Betrib profitéieren, kënnen hir steierlech Situatioun weider optiméieren, andeem si zousätzlech perséinlech Cotisatiounen abezuelen. D’Versementer sinn op 1.200 € d’Joer plafonéiert a bidden de Virdeel, datt Steieren, déi all Mount um Salaire ze bezuele sinn, direkt erofginn.

Persouneversécherunge bidde vill steierlech Ofsetzméiglechkeeten. Bis zu engem Héchstbetrag vu 672 € pro Steierzueler kënnt Dir déi follgend Assurancëprimmen ofsetzen:

• Liewens-, Stierffall an Invaliditéitsversécherung

• Krankeversécherung (wéi z. B. déi vun DKV Luxembourg)

• Onfallversécherung

• Auto- a Familljenhaftflicht

• Locatiounsrisiken

• Reschtscholdversécherung

LALUX engagéiert sech fir d’Ëmwelt a bitt entspriechend digitaliséiert Steiercertificaten un. Iwwer d’easyAPP hutt Dir iwwer Ären Handy oder Computer einfachen Zougang zu Äre Steierdokumenter.

Mat enger Steieroptiméierung vun Äre Versécherungsproduite kënnt Dir:

• Är Steierlaascht däitlech reduzéieren

• Är Pensioun virbereeden

• Är Famill schützen

• Är Dokumenter op eng ëmweltfrëndlech Manéier geréieren

Huelt Är Steiersituatioun an d’Hand an entdeckt all d’Léisungen, déi op Är perséinlech Situatioun zougeschnidde sinn.