Wat soll ech maachen, wann ech mech net (méi) alogge kann?

Dir musst ëmmer déi Coordonnéeë benotzen, déi Dir bei Ärer éischter Umeldung/dem Ariichte vum Kont benotzt hutt.
Bei Ärem Passwuert ass d'Kleng- a Groussschreiwung wichteg. Grouss Buschtawen, kleng Buschtawen, Espacen asw. mussen deemno richteg benotzt ginn, fir datt d'Alogge funktionéiert.

Dir kënnt Äert Passwuert beim Login-Prozess oder zu all Moment op easyAPP (an der Rubrik „Paramètres / Mon compte” (Astellungen / Mäi Kont)) änneren.
Wann Dir d'E-Mail-Adress fir Iech anzeloggen ännere musst, da kontaktéiert wgl. eise Support-Service vun easyApp op der Nummer (+352) 4761 - 6147 an Ären Interlocuteur begleet Iech dann duerch déi nächst Etappen.

Wann Dir Feelermeldunge kritt oder wann technesch Problemer optrieden (Maintenance-Aarbechten, Funktioun net disponibel), geet et dacks duer, e puer Stonnen ze waarden an et dann nach eng Kéier ze probéieren.

Wann Dir Iech dann awer nach ëmmer net alogge kënnt, da kontaktéiert wgl. de Support-Service vun easyAPP op der Nummer: (+352) 4761 – 6147.